N1wanRed FORUMS - Gara-Gara Cepek

Suatu sore si Otong tergiur ame es dong-dong nyang lewat didepan rumahnye, langsung aje die ngibrit ngambil recehan didalam saku celane sekolahnye, masih ade sise uang jajan nih pikir die, tapi nyatenye duitnye cuman ade empat ratus perak , sedangkan harga satu es dong-dong entu Gopek (Rp. 500,-).

Saking napsunye die nekat aje nggedorin pintu kamer emak babenye dengan arepan die bise dapetin tambaan duit cepek (Rp. 100,-).

DOK..DOK...DOK......!!! (kedengeran tuh pintu digedor), tapi ampe due menit lebih koq kagak kebuka juge entu pintu, saking takutnye entu abang es dong-dong pegi jauh, si Otong nekat ngegedor lagi entu pintu.

DOK.DOK.DOK.DOK.DOK.DOK....!!! !!!!!, kagak lama suare babe si Otong kedengeran dari dalem kamer.

Babe: "Ade apaan sih enih anak...??" (dengan nada tinggi die bukain juga tuh pintu). " Mau ngapain sih elu, ngegangguin orang tue elo aje...!!!.

Otong: "Maapin deh Be..., eni otong apan mo beli es dong-dong, cuman duitnye kurang cepek....!!"

Babe: "Cepak Cepek, Cepak Cepek, Dasar elo tuh ye kaga tau apa...??, babe elu tuh lagi capek tau....!!!, noh...LIHAT....!!!" (si Otong ditarik masuk kedalem kamer).

Babe: "SONO LIHAT ENTU BAEK-BAEK....., CEPAK CEPEK, CEPAK CEPEK, GARE-GARE ELU MINTE CEPEK...., KAGAK TAHU APE BANYAK BANGET TUH ADE-ADE ELO NYANG PADA BELEPOTAN DI TEMBOK....!!!!!!"

Otong:....??????????